أجــــــــــــــــــبــــــــرتـــــــــــــني

أه من قلـبٍ بـه اشـواقٍ عنيـده
ما تطاوعني لونـي كنـت ناهـي

اجبرتي اكتـب ابيـات القصيـده
عن غرامٍ كان عنه القلب ساهـي

قمت افكر في زمانـي واستعيـده
واذكـر ايـام المحبـة والتباهـي

كنت احسب ايامها ذكـرى بعيـده
واحسبني عن هوى المحبوب لاهي

وحن قلبي لماضي الذكرى السعيده
يوم كان الحب له عـزاً وجاهـي

وقتها يوم الهوى سيـدي وسيـده
ما نشوف لحبنـا حبـاً يضاهـي

حب ماينسى وله ذكـرى مجيـده
لكننـه زل عـن دربـه وتاهـي

وانتهى بأسباب،ولا نقـدر نعيـده
ولا حكمنا اشواق بقلوبٍ سواهـي

ليت كل انسان حلمه صـار بيـده
كان خلى كل مـا بدنيـاه زاهـي

والحقيقه لـو تمنـى وش يفيـده
التمنى مـا يحقـق حلـم واهـي

والله اني لو ذكرته فـي قصيـده
راضيـا باللـي قسمتـه ياألهـي

وســـــلامتكـم